اسلام آباد:وفاقی وزیر سائنس و ٹیکنالوجی فواد چودھری نے کہا ہے کہ اپوزیشن سینیٹ انتخابات کیلئے ایک ہاری ہوئی جنگ میں توانائیاں لگا رہی ہے جبکہ24گھنٹے بعد اپوزیشن کا رونا دھونا شروع ہو جائےگا۔
تفصیلات کے مطابق سماجی رابطے کی ویب سائٹ ٹوئٹر پر پیغام جاری کرتے ہوئے فواد چودھری نے کہا کہ اپوزیشن کا چوبیس گھنٹوں بعد ان کا رونا دھونا شروع ہو جائیگا اور نئ کہانی ڈھونڈیں گے جس سے ٹی وی سکرین آباد رہ سکے، اپوزیشن کی نابالغ سیاست روزانہ کی بنیادوں پر ترتیب پاتی ہے نہ کوئ حکمت عملی ہے نہ پالیسی۔
اپوزیشن سینٹ کے انتخابات کیلئے ایک ہاری ہوئ جنگ میں توانائیاں لگا رہی ہے، چوبیس گھنٹوں بعد ان کا رونا دھونا شروع ہو جائیگا اور نئ کہانی ڈھنڈیں گے جس سے ٹیوی سکرین آباد رہ سکے، اپوزیشن کی نابالغ سیاست روزانہ کی بنیادوں پر ترتیب پاتی ہے نہ کوئ حکمت عملی ہے نہ پالیسی
— Ch Fawad Hussain (@fawadchaudhry) March 2, 2021
انہوں نے مزید کہا کہ ٹکا اقبال کی رحلت کی خبر ملی، 1980 کی دھائی کی پنجاب کی سیاست کا ایک اور اہم نام دنیا سے اٹھ گیا، نواز کھوکھر، ٹکا اقبال اور انور عزیز چوہدری اس دھائی کی سیاست کے نشیب وفرازکے عینی گواہ تھے ان کے ساتھ طویل نشستیں کہ گویا درجنوں کتابوں کی عرق ریزی کے مترادف تھیں، خدا غریق رحمت کرے۔
ٹکا اقبال کی رحلت کی خبر ملی، 1980 کی دھائ کی پنجاب کی سیاست کا ایک اور اہم نام دنیا سے اٹھ گیا، نواز کھوکھر، ٹکا اقبال اور انور عزیز چوہدری اس دھائ کی سیاست کے نشیب وفرازکے عینی گواہ تھے ان کے ساتھ طویل نشستیں کہ گویا درجنوں کتابوں کی عرق ریزی کے مترادف تھیں، خدا غریق رحمت کرے
— Ch Fawad Hussain (@fawadchaudhry) March 2, 2021
وفاقی وزیر نے سینیٹ انتخابات کے حوالے سے ایک اور ٹوئٹ میں کہا کہ الیکشن کمیشن نے سینٹ کے انتخابات میں ووٹوں کی خرید وفروخت اور کرپشن روکنے کیلئے ٹیکنالوجی استعمال کرنےکی اہمیت کو تسلیم کیا ہے لیکن حیران کن طور پر وہ ان اصلاحات کو اگلے انتخابات کیلئے مؤخر کر رہے ہیں، سپریم کورٹ کا فیصلہ بہرحال مختلف رائے دیتا ہے ہمارے لئے دونوں ادارے محترم ہیں۔
الیکشن کمیشن نے سینٹ کے انتخابات میں ووٹوں کی خرید وفروخت اور کرپشن روکنے کیلئے ٹیکنالوجی استعمال کرنےکی اہمیت کو تسلیم کیا ہے لیکن حیران کن طور پر وہ ان اصلاحات کو اگلے انتخابات کیلئے مؤخر کر رہے ہیں، سپریم کورٹ کا فیصلہ بہرحال مختلف رائے دیتا ہے ہمارے لئے دونوں ادارے محترم ہیں
— Ch Fawad Hussain (@fawadchaudhry) March 2, 2021
فواد چودھری کے بیان پر ردعمل دیتے ہوئے پاکستان مسلم لیگ ن کی ترجمان مریم اورنگزیب نے کہا کہ عوام کی جیب کاٹنےوالے لٹیرے ووٹ کی طاقت سے گھبرا چکے ہیں،24گھنٹے پہلے شدید گھبراہٹ چوروں کے گھر جانے کی نویدسنا رہی ہے جبکہ نئی حکمت عملی کے تحت نئی نوکری ڈھونڈنا شروع کریں فواد صاحب۔