لاہور: (این پی جی میڈیا) مہنگائی کے ستائے عوام کے لیے ایک خوشخبری آگئی ہے۔
تفصیلات کے مطابق وزیراعظم عمران خان نے مہنگائی تنگ عوام کو ریلیف دے دیا ہے۔اس حوالے سے وزیراعظم کے معاون خصوصی نے کہا ہے کہ وزیراعظم نے پٹرولیم مصنوعات کی قیمتوں میں اضافہ نہ کرنے کا اعلان کیا ہے۔
اوگرا نے تقریباً 6 سے 7 روپےفی لیٹر تک پٹرولیم مصنوعات کی قیمت بڑھانے کی تجویز کی۔ وزیراعظم عمران خان نے یہ تجویز منظور نہیں کی۔ پٹرولیم مصنوعات کی قیمتوں میں کوئی اضافہ نہیں کیا گیا۔ عالمی مارکیٹ میں پٹرولیم مصنوعات کی قیمتوں میں مسلسل اضافے کے باوجود وزیراعظم نے اجازت نہیں دی pic.twitter.com/Xwmn3EuhGc
— Dr. Shahbaz GiLL (@SHABAZGIL) February 28, 2021
خیال رہے کہ گذشتہ دنوں اوگرا نے پیٹرولیم مصنوعات کی قیمتوں میں اضافے کی تجویز کی تھی، جس کے مطابق پٹرولیم مصنوعات میں 20 روپے تک کا اضافہ بتایا گیا تھا۔
زرائع کا کہنا تھا کہ اوگرا نے یکم مارچ سے پیٹرولیم مصنوعات کی قیمتوں میں 20 روپے فی لیٹر تک اضافے کی تجویز دی۔
پٹرول کی فی لیٹرقیمت میں20روپے 7پیسے اضافے کا امکان تھا۔جبکہ ڈیزل کی قیمت میں 19روپے 61پیسےفی لیٹراضافےکی تجویز دی گئی تھی۔
اطلاعات کے مطابق وزیراعظم عمران خان کے معاون خصوصی ڈاکٹر شہباز گل نے عوام کو بتایا ہے کہ اوگر نے پٹرولیم مصنوعات بڑھانے کی جوو تجویز دی تھی اسکو وزیراعظم عمران خان نے ماننے سے انکار کرردیا ہے اور کہا ہے کہ پٹرولیم مصنوعات کی قیمتوں میں کوئی اضافہ نہیں کیا جائے گا۔
وزیراعظم عمران خان کے معاون خصوصیان کا کہنا تھا کہ عالمی مارکیٹ میں پٹرولیم مصنوعات کی قیمتوں میں مسلسل اضافے کے باوجود بھی وزیراعظم نے اجازت نہیں دی ہے۔
خیال رہے کہ اس سے پہلے گذشتہ مہینے بھی 15 فروری کو پٹرولیم مصنوعات کی قیمتیں بڑھانے کی تجویز وزیراعظم نے مسترد کر دی تھی۔
لیکن یکم دسمبر سے اب تک پیٹرولیم مصنوعات 16 روپے 37 پیسے تک مہنگی کی جاچکی ہیں۔
اسی عرصے میں پیٹرول 11 روپے 21 پیسے فی لٹر پہلے مہنگا کیا گیا۔