لاہور: (این پی جی میڈیا) الیکشن کمیشن نے اپوزیشن لیڈر کو ایک اور جھٹکا دے دیا ہے۔
تفصیلات کے مطابق الیکشن کمیشن نے ملک میں ہونے والے سینٹ الیکشن میں ووٹ کاسٹ کرنے کے حوالے سے شہباز شریف کی درخواست مسترد کردی ہے۔
زرائع کے مطابق اپوزیشن لیڈر شہباز شریف نے سینیٹ الیکشن میں ووٹ لاہورمیں کاسٹ کرنے کی درخواست کی تھی، جسے الیکشن کمیشن نے ردد کردیا ہے۔
اس حوالے سے الیکشن کمیشن کا کہنا ہے کہ قومی اسمبلی ہال کے علاوہ کہیں اور ووٹ ڈالنے کی سہولت نہیں دی جاسکتی ہے۔
خیال رہے کہ الیکشن کمیشن پہلے ہی اسیر ارکان اسمبلی کے پروڈکشن آرڈر جاری کرچکا ہے۔
سینیٹ الیکشن کا انعقاد 3 مارچ کو ہوگا۔
اور جن ارکان اسمبلی کے پروڈکشن آرڈر جاری کیے جاچکے ہیں ان کو سینیٹ کے الیکشن کیلئے 2 مارچ کی رات کو پارلیمنٹ لاجز لایا جائےگا۔