اسلام آباد: ملک کے وزید داخلہ شیخ رشید احمد نے پاکستان کی ایران سے ملحقہ سرحد کا دورہ کیا ہے اور متعدد علاقوں میں بھی پرواز کی ہے۔
تفصیلات کے مطابق وزیر داخلہ شیخ رشیدنے پاک ایران بارڈر کا جائزہ لیا ہے جبکہ گوادر، تربت، مند اور ریدیگ کے سرحدی علاقوں کا فضائی جائزہ بھی لیا ہے۔
اطلاعات کے مطابق شیخ رشید نے رمدان گبد پاکستان ایران ٹریڈ گیٹ وے کا بھی دورہ کیا ہے اور اپنے اس دورے کے بعد شیک رشید کا کہنا تھا کہ جون تک ایران اور افغانستان بارڈرز پر باڑ کا کام مکمل ہو جائے گا۔
شیخ رشید نے کہا کہ بارڈر پر باڑ لگانے کا کام 40 فیصد مکمل ہوچکاہے جبکہ پاک ایران 928 کلومیٹر بارڈر پر باڑ کا کام جون تک مکمل ہو جائے گا۔
وزیر داخلہ کا مزید کہنا تھا کہ بارڈر مینجمنٹ کو جدید بنا رہے ہیں اور ملکی سلامتی یقینی بنائیں گے۔
انہوں نے کہا کہ تجارت کے فروغ اور لوگوں کی آمد و رفت کو آسان بنائیں گے۔
خیال رہے کہ گذشتہ سال دسمبر کے وسط میں شیخ رشید کو ریلوے سے ہٹا کر وزارت داخلہ کا قلمدان سونپ دیا گیا تھا۔