کراچی(این پی جی میڈیا) پاک بحریہ نے بین الاقوامی سطح پر ملک کا نام روشن کرنے کی ٹھان لی اور کثیر القومی بحری امن مشق کا آغاز کردیا گیا ہے۔
تفصیلات کے مطابق پاکستان نیوی کے زیر اہتمام 42سے زائد ممالک کو اکٹھا کرنے کا مشن یعنی امن مشق کا آغاز کیا گیا اور یہ مشق 16فروری تک کراچی میں جاری رہے گی۔
An impressive & colorful Flags Hoisting Ceremony held at PN Dockyard, Khi to formally commence proceedings of Multinational Maritime Ex AMAN-21.
During ceremony, message of CNS Adm Muhammad Amjad Khan Niazi was read in which Naval Chief warmly welcomed the participants.(1/3) pic.twitter.com/GzVKJ4WxuZ— DGPR (Navy) (@dgprPaknavy) February 12, 2021
امن مشق کا باقاعدہ آغاز اس میں شریک ممالک کی پرچم کشائی تقریب سے کیا گیا جبکہ ان مشقوں میں 45ممالک کے نمائندے بحری اثاثے،مبصرین اور سینئر افسران شرکت کررہے ہیں،علاوہ ازیں اس تقریب کے مہمان خصوصی کمانڈر پاکستان فلیٹ ریئر ایڈمرل نوید اشرف تھے جبکہ 7دوست ممالک کے مہمان گیسٹ آف آنر کے طور پر شرکت کررہے ہیں۔
اس موقع پر پاک بحریہ کے ترجمان کی جانب سے کہا گیا کہ عالمی وبا کورونا وائرس کے باوجود اتنی تعداد میں ممالک کی شرکت پاک بحریہ کا بڑا کارنامہ ہے جبکہ مشق کا مقصد خطے میں بحری استحکام اور کارروائیوں کی صلاحیتوں میں اضافہ کرنا ہے۔
تقریب سے خطاب کرتے ہوئے چیف آف نیول سٹاف ایڈمرل محمد امجد خان نیازی نے کہا ہے کہ امن مشق 2021 کے تمام شرکاکو خوش آمدید کہتا ہوں۔
امن مشق 2021 کے لئے اپنے پیغام میں پاک بحریہ کے سربراہ ایڈمرل امجد خان نیازی نے کہا کہ امن مشق مختلف ملکوں کی نیوی کے درمیان معلومات کے تبادلے کاذریعہ ہے،یہ مشق میری ٹائم چیلنجز سے نمٹنے کیلئے مشترکہ پلیٹ فارم مہیا کرتی ہے۔
انہوں نے مزید کہا کہ پاکستان نیوی علاقائی میری ٹائم سکیورٹی میں اپنا کردار ادا کرتی رہے گی جبکہ بحرہند میں پاکستان نیوی ملکی مفادات کے تحفظ کیلئے فرائض سرانجام دیتی رہے گی۔
