راولپنڈی(این پی جی میڈیا)جنوبی وزیرستان کے علاقے مکین میں سکیورٹی فورسز پر دہشتگردوں کی فائرنگ سے 4جوان شہیدہوگئے جبکہ جوابی کارروائی میں 4دہشتگردوں کو جہنم واصل کردیا گیا۔
تفصیلات کے مطابق پاک فوج کے شعبہ تعلقات عامہ (آئی ایس پی آر) کی جانب سے بتایا گیا کہ جنوبی وزیرستان میں ملک دشمنوں نے پاک فوج کے جوانوں پر فائرنگ کردی جس سے سپاہی عزیز ،لانس نائیک عمران علی،سپاہی عاطف جہانگیر اور سپاہی انیس الرحمان شہید ہوگئے۔
دہشتگردوں کی فائرنگ کے جواب میں سکیورٹی فورسز نے بھرپور کارروائی کی جس سے 4دہشتگرد ہلاک ہوگئے جبکہ علاقے میں کلیئرنس آپریشن جاری ہے۔