راولپنڈی (این پی جی میڈیا)پاک بحریہ کے لیے بننے والے دوسرے ٹائپ 054 کلاس فریگیٹ کی لانچنگ کی تقریب چین میں منعقد ہوئی۔
تفصیلات کے مطابق اس تقریب سے خطاب کرتے ہوئے مہمان خصوصی کموڈور اظفر ہمایوں نے کہا کہ ان جہازوں کی شمولیت پاکستان کے بحری دفاع اور حربی صلاحیتوں میں خاطر خواہ اضافہ کرے گی۔
Launching ceremony of 2nd Type-054 Class Frigate for #PakNavy held at Hudong Zhonghua Shipyard, China. Chief Guest, Cdre Azfar Humayun (Chief Naval Overseer) while addressing, highlighted that induction of warship will enhance Pak maritime defence & detterence capibilities(1/2) pic.twitter.com/LEDR4sQdNT
— DGPR (Navy) (@dgprPaknavy) January 30, 2021
انہوں نے عالمی وبا کورونا کے باوجود ہوڈونگ ژونگوا شپ یارڈ اور چائنا شپ بلڈنگ ٹریڈنگ کمپنی کی جانب سے اس پراجیکٹ کو وقت پر مکمل کرنے پر اُن کی محنت اور جذبے کو سراہا۔
ٹائپ 054 فریگیٹ پاک بحریہ کے بیڑے جدید ترین ٹیکنالوجی کے حامل جہاز ہوں گے جن میں جدید ترین سطح آب، زیر آب اور فضائی ہتھیاروں کے سسٹم نصب ہوں گے، یہ جہاز الیکڑانک وارفیئر، فضائی و سمندری سرویلنس اور ایکوسٹک سنسرز سے لیس ہیں جو کہ کمبیٹ مینجمنٹ سسٹم کے ذریعے آپس میں جڑے ہیں۔
یاد رہے کہ پاک بحریہ نے چار ٹائپ 054 A/P فریگیٹ کا معاہدہ 2017 میں کیا تھا، تمام جہاز اپنے طے شدہ منصوبے کے مطابق فراہم کیے جا رہے ہیں۔