اسلام آباد(این پی جی میڈیا) پاکستان تحریک انصاف کی سینیٹ کا ٹکٹ دینے کی کمیٹی کا چیئرمین جہانگیر ترین کو بنانے کی تجویز سامنے آگئی۔
وزیراعظم عمران خان کی زیرصدارت پارلیمانی پارٹی کا اجلاس ہوا تو پی ٹی آئی رہنما جہانگیر ترین کا بھی ذکر کیا گیا۔ اس موقع پر راجہ ریاض نے کہا کہ ترین کی جو پارٹی کیلئے خدمات ہیں ان کو فراموش نہیں کیا جا سکتا، جبکہ صوبہ پنجاب سے سینیٹ کے انتخابات کیلئے جس کو بھی ٹکٹ دی جائے اس کے لئے کمیٹی کا چیئرمین جہانگیر کو بنایا جائے، گورنر پنجاب چودھری سرور،وزیر خارجہ شاہ محمد ، عامر کیانی ، اعجاز چودھری کو بھی اس کمیٹی میں شامل کیا جائے۔
چینی مہنگی ہونے کے سکینڈل میں جو تحققیات کی گئیں تھی ان میں ترین کا نام سامنے آیا تھا جس کے بعد سے ان کے اور وزیراعظم عمران خان کے درمیان فاصلے بڑھ گئے ہیں۔