اسلام آباد(این پی جی میڈیا)چیف الیکشن کمشنر سکندر سلطان راجہ نے کہا ہے کہ پنجاب میں صاف شفاف ضمنی انتخابات کرانا اولین ترجیح ہے۔
تفصیلات کے مطابق چیف الیکشن کمشنر سکندر سلطان راجہ نے پنجاب میں ضمنی انتخابات کے حوالے سے اپنے ایک بیان میں کہا کہ پنجاب میں ضمنی انتخابات میں ضابطہ اخلاق کی پابندی یقینی بنائی جائے۔
چیف الیکشن کمشنر سکندر سلطان راجہ نے تمام افسران کو ہدایات جاری کردیں۔انہوں نے مزید کہا کہ پولیس ضلعی انتظامیہ کو ہر صورت الرٹ رکھا جائے، رینجرز کی ضرورت پڑنے پر خدمات حاصل کی جاسکتی ہیں۔