اسلام آباد : وزارت خارجہ میں ترکی اور پاکستان کے درمیان وفود کی سطح پر مذاکرات نے مودی سرکار پر بجلیاں گرا دیں ، مذاکرات میں پاک ترک تعلقات ، مختلف شعبوں میں کثیر الجہتی اسٹریٹجک شراکت داری کے پہلوؤں پر اہم معاہدے کر لیے گئے۔
تفصیلات کے مطابق پاکستانی وفد کی قیادت شاہ محمود قریشی اور ترک وفد کی قیادت میولود چاوش اولو نے کی ، شاہ محمود قریشی نے ترک وزیر خارجہ کو سفارتی خدمات کے اعتراف میں ہلال پاکستان ملنے پر مبارکباد بھی پیش کی ، انہوں نے ترکی میں گیس کے نئے ذخائر کی دریافت پر بھی ترک وزیر خارجہ کو مبارکباد پیش کی ، انہوں نے مزید کہا کہ فروری 2020 میں ترک صدر کے دورہ پاکستان سے دونوں ممالک میں تعلقات مزید مستحکم ہوئے۔
شاہ محمود قریشی نے اس موقع پر کہا کہ عالمی وبا نے پوری دنیا کی معیشت کو تباہی سے دوچار کیا ہے ، عالمی وبا کی دوسری لہر مزید خطرناک ثابت ہو رہی ہے۔ پاکستان جیسے ترقی پزیر ممالک کیلئے وبا کے معاشی مضمرات شدید نوعیت کے ہیں ، انہوں نے کہا کہ معاشی مضمرات سے نمٹنے کیلئے مشترکہ کاوشیں اور کمزور معیشتوں کو سہارا دینے کی ضرورت ہے ، ان اقدامات پر غور کرنا ہے جن سے پاک ترک تعلقات اسٹریٹجک شراکت داری میں تبدیل کر سکیں۔
Turkish delegation, led by Turkish Foreign Minister Mr. @MevlutCavusoglu called on President Dr. @ArifAlvi today. Both sides agreed to further solidify and expand bilateral cooperation in the fields of trade and culture between Pakistan and Turkey. pic.twitter.com/coBQEfdj8b
— The President of Pakistan (@PresOfPakistan) January 13, 2021
پاکستانی وزیر خارجہ نے کہا کہ پاکستان ان ممالک میں شامل ہے جس نے نگورنوکاراباخ کے معاملے پر آذربائیجان کے موقف کی حمایت کی ، پاکستان نے آرمینیائی افواج کے جلد انخلا پر بھی زور دیا ، فلسطین سے متعلق پاکستان 2 ریاستی حل کے موقف پر قائم ہے۔
ترک وزیر خارجہ نے پرتپاک خیر مقدم پر وزیر خارجہ شاہ محمود قریشی کا شکریہ ادا کرتے ہوئے کہا کہ ہم ترکی کی طرح پاکستان کو اپنا دوسرا گھر سمجھتے ہیں ، ترک وزیر خارجہ نے پاک ترک تجارتی ، اقتصادی تعاون کے فروغ کے لیے مشترکہ کوششیں جاری رکھنے کا عندیہ بھی دیا۔
اس سے قبل صدر پاکستان عارف علوی نے ترک وزیر خارجہ میولود چاوش اولو کو ہلال پاکستان کے اعزاز سے نواز دیا۔
Foreign Minister of Turkey, Mr. Mevlut Cavusoglu @MevlutCavusoglu called on President Dr. Arif Alvi @ArifAlvi, at Aiwan-e-Sadr. pic.twitter.com/zw1mE4EUI8
— The President of Pakistan (@PresOfPakistan) January 13, 2021
خیال رہے کہ میولود چاوش اولو نے عالمی سطح پر امن کے فروغ کے لیے بے شمار خدمات انجام دیں ہیں جس کے اعتراف میں عارف علوی نے انہیں ملک کا اعلیٰ سول ایوارڈ ہلال پاکستان سے نوازا۔
میڈیا رپورٹ کے مطابق ترک وزیر خارجہ کو ہلال پاکستان دینے کی تقریب ایوان صدر میں ہوئی جس میں وفاقی وزرا ، ارکان پارلیمنٹ اور اعلیٰ حکام نے شرکت کی۔
President Dr. Arif Alvi @ArifAlvi conferring Hilal-e-Pakistan on Foreign Minister of Turkey, Mr. Mevlut Cavusoglu @MevlutCavusoglu, at a special investiture ceremony held, at Aiwan-e-Sadr. pic.twitter.com/8MOljz8Mnm
— The President of Pakistan (@PresOfPakistan) January 13, 2021
اس تقریب کے بعد میولود چاوش اولو نے وزارت خارجہ میں پاکستانی وزیر خارجہ شاہ محمود قریشی سے ملاقات کی ، اس موقع پر ترک وزیر خارجہ نے وزارت خارجہ کے لان میں پودا لگایا۔
ترجمان دفتر خارجہ کے مطابق میولود چاوش اولو اپنے دورے کے دوران وزیر خارجہ ، وزیر اعظم عمران خان سمیت اعلیٰ قیادت سے ملاقاتیں کریں گے ، ان ملاقاتوں میں پاک ترک تعلقات ، مختلف شعبوں سمیت باہمی دلچسپی کے امور پر گفتگو ہوگی۔
خیال رہے کہ ترک وزیر خارجہ کا ڈھائی سال میں یہ تیسرا دورہ ہے۔ دونوں ممالک میں دیرینہ تاریخی اور ثقافتی تعلقات باہمی اعتماد پر قائم ہیں۔
Pleasure to meet my brother FM @MevlutCavusoglu. Hoşgeldiniz Sayın Dışişleri Bakanı.
Had a positive exchange on bilat, regional & global issues of mutual interest. As nations ???? share deepening cooperation in diverse fields; as people, we share a deep affinity to one another. pic.twitter.com/LQfZk1vTh5— Shah Mahmood Qureshi (@SMQureshiPTI) January 13, 2021