لاہور:پاکستان مسلم لیگ ن کی نائب صدر مریم نواز کی محفل موسیقی سے لطف اندوز ہونے کی ویڈیو وائرل ہوگئی جبکہ سوشل میڈیا صارفین نے ویڈیو کو لیکر شدید تنقید کرنی شروع کردی ہے۔
تفصیلات کے مطابق گزشتہ روز کوئٹہ میں مچھ متاثرین کے ساتھ اظہار ہمدردی کرنے اور وزیراعظم عمران خان کو تنقید کا نشانہ بنانے والی سابق وزیراعظم میاں نواز شریف کی صاحبزادی مریم نواز کی ایک ویڈیو سوشل میڈیا پر وائرل ہوگئی ہے جس میں ان کو سینیٹر پرویز رشید کے ساتھ بیٹھے فوک موسیقی سے لطف اندوز ہوتے ہوئے دیکھا جاسکتا ہے۔
This is the sad Maryam Nawaz. Who are enjoying music in Bahawalpur to alleviate their grief#BehindYouSkipper#گستاخ_مبشرزیدی pic.twitter.com/BAZnlJ6SNN
— WASEEM MUGHAL (@wasimtariq0786) January 8, 2021
ویڈیو وائرل ہوتے ہی سوشل میڈیا صارفین کی جانب سے تنقید و طنز کے نشتر برسائے جارہے ہیں اور کہا جارہا ہے کہ ایک طرف سے مریم نواز ہزارہ کمیونٹی سے کوئٹہ جاکر اظہار افسوس کررہی ہیں تو دوسری طرف موسیقی سے لطف اندوز ہوتی پھر رہی ہیں۔
نائب صدر ن لیگ کی ویڈیو وائرل ہونے پر سوشل میڈیا صارفین نے ان کو ڈرامہ کوئین قرار دیتے ہوئے آسکر ایوارڈ دینے کا مطالبہ کردیا۔
سماجی رابطے کی ویب سائٹ ٹوئٹر پر سیدہ نامی خاتون نے ویڈیو پر کمنٹ کرتے ہوئے لکھا کہ ’مریم نواز کی آسکر جیتنے والی پرفارمنس،کوئٹہ میں ڈرامہ کرنے کے بعد مریم نواز کو فوک موسیقی کی محفل سے لطف اندوز ہونے پر تالیاں بجائی جائیں اور اس بات کی درخواست کرتی ہوں کہ ان کو 2021 کیلئے آسکرایوارڈ دیا جائے‘۔
Oscar winning performance by Maryam Nawaz @MaryamNSharif after performing in #drama “SOG” she’s enjoying some folk music and bonfire ? round of applause ? i request @OscarawardsTv to bestow her with an award in #Oscars2021 pic.twitter.com/SCSzrVmbNz
— syeda (@batoolzaidi72) January 8, 2021
کسی نے لکھا کہ مریم نواز ہزار ہ کمیونٹی کے دکھ دردکے بعد کوئٹہ میں ہی موسیقی کی محفل میں موجود ہیں جبکہ کسی نے لکھا کہ یہ محفل موسیقی بہاولپور میں منعقد کی گئی ۔
لیکن جب ‘‘ این پی جی میڈیا ‘‘کی جانب سے تحقیق کی گئی اور اس بات کا پتہ چلانے کی کوشش کی گئی کہ آیا یہ محفل موسیقی کوئٹہ میں ہزار ہ کمیونٹی سے اظہار افسوس کرنے کے بعد کی ہے یا پھر واقع ہی بہاولپور میں بنائی گئی ہے جو کہ اب وائرل ہوئی ہے۔
اگر ویڈیو پر غور کیا جائے تو واضح الفاظ میں لکھا ہے کہ مریم نواز پاکستان مسلم لیگ ن کے سابق سینیٹر چوہدری سعود مجید کے دفتر میں موجود ہیں جبکہ زید سعود کی جانب سے ویڈیو انسٹاگرام پرشیئر کی گئی۔
خیال رہے کہ چوہدری سعود مجید نواز شریف کے مشیر اور سابق سینیٹر تھے جبکہ وہ پاکستان مسلم لیگ ن کے سرگرم رہنمائوں میں سے ایک ہیں۔
سعود مجید بہاولپورکے حلقہ این اے 187 سے 2008 سے لیکر 2013تک رکن اسمبلی بھی رہ چکے ہیں ۔
مریم نواز کی وائرل ویڈیو کے بارے قومی امکان ظاہر کیا جارہا ہے کہ یہ اس وقت بنائی گئی ہے جب 6 روز قبل بہاولپور میں پاکستان ڈیموکریٹک موومنٹ(پی ڈی ایم )کی ریلی کا انعقاد کیا گیا تھا۔
ریلی سے خطاب کرتے ہوئے ن لیگ کی نائب صدر مریم نواز نے کہا تھا کہ بہاول پور نے فیصلہ سنا دیا ہے اور اس حکومت کے دن گنے جاچکے ہیں، مہنگائی نے عوام کی کمر توڑ دی ہے، لوگ مہنگائی سے تنگ آچکےہیں اس لیے چاہتی ہوں جلد سے جلد نالائق اور نااہل وزیراعظم کو گھر بھیجیں جو ڈھائی سال بعد آکر کہتاہے کہ تیاری کے بغیر حکومت میں نہیں آنا چاہیے، آج ہی ہاتھ کھڑے کر گیا۔