اسلام آباد:(این پی جی میڈیا) جمعیت علما اسلام فضل الرحمن کو اسلام آباد انتظامیہ نے 25 مارچ کو اسلام آباد میں جلسہ کرنے کی اجازت دے دی۔
تفصیلات کے مطابق اسلام آباد انتظامیہ نے جے یو آئی ایف کو 25 مارچ کو اسلام آباد میں جلسہ کرنے کی اجازت مانگ لی ہے مگر جے یو آئی ایف نے استدعا کی ہے کہ انہیں 26 مارچ کو جلسہ کرنے دیا جائے جس پر ضلعی انتظامیہ نے ان کو دوبارہ ایس او پیز کے مطابق درخواست جمع کروانے کا کہ دیا ہے۔
واضح رہے کہ جے یو آئی ایف کا مہنگائی مارچ 26 مارچ کو مولانا فضل الرحمن کی قیادت میں ڈیرہ اسماعیل سے روانہ ہو گا جبکہ یہ اسی دن شام 5 بجے ہلکہ انٹرچینج پر پہنچے گا۔ ملک بھر سے روانہ ہونے والے دوسری سیاسی جماعتوں کے قافلے بھی 26 مارچ کوہی اسلام آباد پہنچیں گے۔