لاہور:(این پی جی میڈیا) اپوزیشن لیڈر شہباز شریف کو وزیر اعظم عمران خان کا بھارتی خارجہ پالیسی کی تعریف کرنا ایک آںکھ نہ بھایا۔
تفصیلات کے مطابق شہباز شریف نے ٹویٹ کرتے ہوئے بھارت کی آزادنہ خارجہ پالیسی کی تعریف کو عمران خان کی طرف سے بھونڈا مذاق قرار دیا۔
شہباز شریف نے ٹویٹ میں لکھا کہ مودی کے دور حکومت میں بھارتی دہشتگردی میں اضافہ ہوا ہے دوسری طرف بھارت نے پاکستان پر بھی دہشتگردی کے الزامات عائد کیے ہیں۔ شہباز شریف نے مزید لکھا کہ مودی حکومت کے دوران بھارت نے کشمیریوں سے ان کا آئینی حق بھی چھینا ہے اور اس کے علاوہ بھارت سی پیک کی بھی مسلسل مخالفت کرتا رہا ہے اور عالمی سطح پر پاکستان کے مفادات کو بھی نقصان پہنچایا ہے۔