کئیو:(این پی جی میڈیا) حملہ آور روسی فوج کا مقابلہ کرنے کے لیے یوکرین کی عورتوں نے بھی بندوقیں اٹھا لیں۔
تفصیلات کے مطابق روسی فوج کا مقابلہ کرنے کے لیے یوکرین کی عورتوں نے بھی اسلحہ اٹھا لیا، سوشل میڈیا پر وائرل تصویر میں دیکھا جا سکتا ہے کہ یوکرین کی پارلیمنٹ کی خاتون رکن کیرا رودک نے بھی بندوق اٹھا لی ہے۔ واضح رہے کہ روسی فوج کا مقابلہ کرنے کے لیے یوکرین کی حکومت نے شہریوں میں 18000 مشین گنیں تقسیم کی ہیں۔