ٹک ٹاک اسٹار حریم شاہ ایف آئ اے کے شکنجے میں آ گئ

اسلام آباد:(این پی جی میڈیا)ٹک ٹاک اسٹار حریم شاہ کے خلاف ایف آئ اے نے بڑی کاروائ کا آغاز کر دیا ہے۔
تفصیلات کے مطابق ایف آئ اے نے منی لانڈرنگ کی انکوائری کرتے ہوئے حریم شاہ کے 2 بینک اکاؤنٹس منجمند کرنے کے لیے خط لکھ دیا ہے۔
ذرائع کے مطابق فضا حسین عرف حریم شاہ کے پاکستان میں 2 بینک اکاؤنٹس ہیں جن میں سے ایک اکاؤنٹ پنجاب بینک کی لاہور برانچ میں ہے جبکہ دوسرا اکاؤنٹ ایچ بی ایل کی کراچی برانچ میں ہے۔
واضح رہے کہ کچھ دن پہلے لندن سے حریم شاہ کی ایک ویڈیو سامنے آئ تھی جس میں غیر ملکی کرنسی بھی موجود تھی اور حریم شاہ نے اعتراف کیا تھا کہ وہ یہ رقم پاکستان سے لیکر آئ ہیں۔ اس ویڈیو کے سامنے آنے کے بعد ایف آئ اے نے منی لنڈرنگ کی تحقیق کا آغاز کیا تھا۔