عمران نیازی کو ہٹانے کے لیے تمام آئینی آپشنز استعمال کریں گے، حمزہ شہباز

لاہور:(این پی جی میڈیا)پاکستان مسلم لیگ ن کے رہنما اور قائد خزب اختلاف خمزہ شہباز کا کہنا ہے کہ ان کی جماعت عمران خان کو وزیر اعظم کی کرسی سے ہٹانے کے لیے تمام آئینی آپشنز کا استعمال کریں گے۔
تفصیلات کے مطابق میڈیا سے بات کرتے ہوئے حمزہ شہباز کا کہنا تھا کہ عمران خان کی پارٹی نے ٹی بوئے کے نام پر پیسے منگوائے جو عمران خان کی کرپشن کا ثبوت ہے۔ ان کا مزید کہنا تھا کہ عمران خان ہر ایشو پر دوسروں کو قصوار قرار دیتے ہیں اور خود پتلی گلی سے نکل جاتے ہیں مگر اب ایسا نہیں ہو گا اور ہم آپ کو بھاگنے نہیں دیں گے۔
حمزہ شہباز کا کہنا تھا کہ عمران خان نے جتنے جھوٹ بولے تھے وہ تمام بے نقاب ہو گئے ہیں۔ عمران خان نےاپنا غیر قانونی گھر تو ریگولر کروا لیا مگر لوگوں کو بے گھر کر دیا۔