سری نگر:(این پی جی میڈیا) مقبوضہ کشمیر کے سابق وزیر اعلی فاروق عبداللہ کا کہنا ہے کہ بھارت میں مسلمانوں پر اس طرح مظالم ہو رہے ہیں جیسے فرعون نے بنی اسرائیل پر ظلم و ستم ڈھائے تھے۔
تفصیلات کے مطابق 3 دفعہ مقبوضہ کشمیر کے وزیر اعلی رہنے والے فاروق عبداللہ کا کہنا ہے کہ بھارت میں اس وقت لاوا پک رہا ہے اور مجھے یقین ہے کہ اللہ پاک ایک اور موسی بھیجیں گے جو اس قوم کو آ کر بچائیں گے۔
بھارتی میڈیا ہاؤس دی وائر کو دیے گئے انٹرویو میں فاروق عبداللہ نے یہ بات کہی اور وہ متعدد مقامات پر آبدیدہ بھی ہو گئے۔