لاہور:(این پی جی میڈیا) پاکستان کرکٹ ٹیم کے کپتان بابراعظم نے بگ بیش لیگ کی آفر ٹھکراتے ہوئے کھیلنے سے انکار کر دیا ہے۔
تفصیلات کے مطابق بابر اعظم کو بگ بیش لیگ کی انتظامیہ نے کھیلنے کی پیشکش کی تھی جسے بابر اعظم نے ذاتی مصروفیات کی وجہ سے ٹھکرا دیا ہے۔ ذرائع کے مطابق بابر اعظم کا کہنا ہے کہ وہ پچھلے 3 ماہ سے گھر سے دور تھے جس کی وجہ سے وہ اب گھر والوں کو ٹائم دینا چاہتے ہیں۔
خیال رہے کہ اس سے پہلے فخر زمان بھی ذاتی مصروفیات کی وجہ سے کھیلنے سے انکار کر چکے ہیں۔
دوسری طرف آل راوئنڈر شاداب خان اور حارث رؤف بگ بیش کھیلنے کے لیے آسٹریلیا روانہ ہو چکے ہیں۔