لاہور:(این پی جی میڈیا) سابق پاکستانی ٹیسٹ کرکٹر محمد یوسف نے کیلنڈر ائیر میں سب سے زیادہ رنز بنانے پر وکٹ کیپر بیٹسمین محمد رضوان کی تعریف کر دی۔
محمد یوسف نے ٹوئیٹ کرتے ہوئے کہا کہ ٹی 20 کرکٹ میں ایک سال میں 2 ہزار رنز کوئی مذاق نہیں ہے، شاباش رضوان۔۔۔
خیال رہے کہ محمد رضوان ایک سال میں ٹی 20 کرکٹ میں 2 ہزار رنز بنانے اور سال میں ٹی ٹوئنٹی میچز میں سب سے زیادہ 46 چھکے لگانے کا ریکارڈ ویسٹ انڈیز کے خلاف نیشنل اسٹدیم کراچی میں کھیلے جانے والے میچ میں حاصل کیا ہے۔