کابل:(این پی جی میڈیا) افغان طالبان نے بغیر کسی غیر ملکی امداد اور اثاثے منجمند ہونے کے باوجود بجٹ تیار کر لیا۔
تفصیلات کے مطابق افغان طالبان نے مجمند اثاثے بحال نہ ہونے کے باوجود اور کسی دوسرے ملک سے امداد لیے بغیر بجٹ تیار کر کے حیران کر دیا۔ عالمی خبر رساں ادارے کے مطابق طالبان حکومت کی وزارت خزانہ نے ملک کے پہلے سالانہ بجٹ کا مسودہ تیار کر لیا۔ اس بجٹ کے لیے طالبان حکومت کو فنڈز کی عدم دستیابی کے باعث کافی مشکلات کا سامنا تھا۔ افغان وزارت خزانہ کے ترجمان نے مجوزہ بجٹ کا حجم بتانے سے گریز کرتے ہوئے کہا کہ سال 2022 کے دسمبر تک کے لیے اس بجٹ کی تفصیلات جاری کرنے سے قبل کابینہ کی منظوری لینا ضروری ہے۔