اسلام آباد: (این پی جی میڈیا) وزیر اعظم پاکستان عمران خان افغانستان کی آواز بن گئے، عمران خان نے عالمی طاقتوں کو افغانستان کی تشویشاناک صورتحال سے خبردار کر دیا۔
تفصیلات کے مطابق عمران خان نے سماجی رابطے کی ویب سائٹ ٹویٹر پر ٹویٹ کرتے ہوئے لکھا کہ پاکستان افغانستان کی مدد کرتا رہے گا تاہم عالمی طاقتوں اور اداروں کو چاہیے کہ افغانستان کی مدد کریں تا کہ ایک بڑے انسانی المیے کو جنم دینے سے بچا جا سکے۔
خیال رہے کہ طالبان کے اقتدار میں آنے کی وجہ سے عالمی بینک نے افغانستان کی امداد روک رکھی ہے اور افغانستان بد ترین معاشی بد حالی کا شکار ہے۔