سرینگر: (این پی جی میڈیا) جنت نظیر مقبوضہ کشمیر میں بھارتی ریاستی دہشتگردی میں 2 کشمیری نوجوان شہید ہو گئے۔
کشمیر میڈیا سروس کے مطابق مقبوضہ وادی میں بھارت کی طرف سے منظم دہشتگردی کا نہ رکنے والا سلسلہ جاری ہے جس کی وجہ سے آج پھر جنت نظیر وادی میں 2 کشمیری نوجوان شہید کر دیے گئے۔
قابض بھارتی فوج نے پلوامہ اور سری نگر میں نام نہاد سرچ آپریشن جاری کر رکھا ہے جس میں وہ چادر اور چاردیواری کا تقدس پامال کرنے کے بعد کشمیری نوجوانوں کو بے جا قید کر لیتے ہیں اور ان کو بعد از شہید کر دیا جاتا ہے۔ گزشتہ ہفتے سے بھارتی فوج کی جانب سے 9 کشمیری نوجوانوں کو شہید کر دیا گیا ہے۔ قابض بھارتی فوج نے ابھی بھی مختلف علاقوں کا گھیراو کر رکھا ہے اور سرچ آپریشن جاری ہے۔