کراچی:(این پی جی میڈیا) سندھ ہائیکورٹ نے مزدور کی کم ازکم 25 ہزار تنخواہ کے خلاف درخواستوں پر فیصلہ سنا دیا۔
ہائیکورٹ نے اپنا فیصلہ سناتے ہوئے سندھ حکومت کو تمام سٹیک ہولڈرز کے ساتھ مشاورت کے ساتھ دوبارہ جائزہ لینے کی ہدایت کی ہے۔
عدالت نے فیصلہ سناتے ہوئے کہا کہ تنخواہ کے تعین تک موجودہ حکومتی فیصلہ برقرار رہے گا، کمیٹی کے آئندہ فیصلے تک مزدور کی کم سے کم تنخواہ 25 ہزارروپے ماہانہ ہوگی۔