پنجاب میں کورونا کی وجہ سے تعلیمی ادارے بند کرنے کا فیصلہ

لاہور(این پی جی میڈیا): کورونا وائرس کے باعث پنجاب بھر میں تعلیمی ادارے بند کرنے کا فیصلہ کیا گیا ہے۔

پنجاب میں کورونا وائرس کی غیرمعمولی صورتحال کے باعث صوبے بھر میں تمام سرکاری و نجی اسکول 6 روز کے لیے بند کرنے کا فیصلہ کیا گیا ہے، صوبائی وزیر تعلیم ڈاکٹر مراد راس کے مطابق تمام اسکول 6 ستمبر سے 11 ستمبر تک بند رہیں گے۔

دوسری جانب ذرائع کا کہنا ہے کہ کورونا وائرس کے باعث اسلام آباد کے سرکاری و نجی تعلیمی ادارے 6 ستمبر سے 11 ستمبر تک بند کرنے کا فیصلہ کیا گیا ہے تاہم اس حوالے سے ختمی فیصلہ کچھ دیر بعد کیا جائے گا۔