ٹنڈوالہ یار(این پی جی میڈیا):پاکستان پیپلز پارٹی کے چیئرمین بلاول بھٹو زرداری نے پاکستان تحریک انصاف (پی ٹی آئی) کی وفاقی حکومت پر تنقید کرتے ہوئے کہا ہے کہ عمران خان کی حکومت نے عوام کے روزگار پر ڈاکا ڈالا ہے۔
کارکنوں سے خطاب کرتے ہوئے ان کا کہنا تھا کہ ‘جیالوں کو تیاری کرنی ہوگی تاکہ اس نا اہل حکومت کا مقابلہ کرسکیں’۔کیونکہ جب بھی غیر جمہوری حکومت ہوتی ہے تو وہ عوام کا خون چوستے ہیں اور ان کے حقوق پر ڈاکا ڈالا جاتا ہے’۔
انہوں نے کہا کہ ‘ایک بار پھر یہ سلیکٹڈ حکومت ہر طرف سے حملہ آور ہے، وہ انسانی حقوق چھیننا چاہتے ہیں، جمہوری حقوق ہر ڈاکا ڈال رہے ہیں، اور پورے پاکستان کے عوام کے معاشی قتل پر اتر آئے ہیں’۔
چیئرمین پیپلز پارٹی کا کہنا تھا کہ ‘جس طریقے سے پہلے روز سے اس ملک کے غریب عوام اس حکومت کے نشانے پر تھی، جب سے یہ حکومت آئی ہے بیروزگاری، غربت مہنگائی میں اضافہ ہوا ہے’۔