منال خان اور احسن اکرام کی شادی کے دن طے پا گئے

کراچی (این پی جی میڈیا):پاکستانی اداکارہ منال خان اور احسن محسن اکرام اگلے ماہ ستمبر کی 10 تاریخ کو رشتہ ازدواج میں منسلک ہوجائیں گے۔

اگلے ماہ شادی کا اعلان منال خان اور احسن محسن کی جانب سے اپنے انسٹاگرام اکاؤنٹس پر شادی کے دعوت نامے کی تصویر شیئر کرتے ہوئے کیا گیا۔

منال خان نے شادی کے کارڈ کی تصویر شیئر کرتے ہوئے اپنی انسٹاگرام پوسٹ کے کیپشن میں لکھا کہ ‘الحمداللہ، احسن محسن اکرام آپ کہاں سے اچانک آگئے؟ اب ہمیشہ ساتھ رہیں گے’۔

جبکہ دوسری جانب محسن احسن اکرام نے بھی دعوت نامے کی تصویر شیئر کرتے ہوئے لکھا کہ ‘الحمداللہ، ہم شادی کررہے ہیں’۔

شادی کے دعوت نامے پر نظر ڈالی جائے تو منال خان اور احسن محسن اکرام 10 ستمبر بروز جمعے کو رشتہ ازدواج میں منسلک ہوجائیں گے۔ان کی شادی کی تقریب کا آغاز 10 ستمبر کو شام 6 بجے سے ہوگا اور دعوت نامے میں نکاح کا وقت شام 7 بجے بتایا گیا ہے۔