(این پی جی میڈیا)طالبان کی جانب سے کابل کا کنٹرول حاصل کیے جانے کے بعد جہاں بڑی تعداد میں افغان شہری دوسرے ملک جا رہے ہیں وہیں ہزاروں کی تعدادمیں لوگ پاکستان آنے کے بھی خواہشمند ہیں۔
افغان صحافی کی جانب سے ٹوئٹر پر ایک ویڈیو شیئر کی گئی ہے جس میں ہزاروں افراد کو پاکستان سے ملحق افغان سرحد اسپن بولدک میں انتظار کرتے دیکھا جاسکتا ہے۔
خیال رہے کہ 15 اگست کو طالبان نے افغانستان پر مکمل کنٹرول حاصل کر لیا تھا جس کے بعد افغان شہریوں کی بڑی تعداد ملک چھوڑ کر کسی دوسرے ملک پناہ لینے کی خواہشمند ہے۔
صحافی کا مزید کہنا تھا کہ اسپن بولدک کی سرحد کی صورتحال کابل ائیرپورٹ سے بھی زیادہ خراب ہے اور یہاں کوئی بین الاقوامی فوج بھی موجود نہیں ہے۔