اسلام آباد(این پی جی میڈیا)سینیٹر فیصل واوڈا کا کہنا ہے کہ مریم نواز نے آج نواز شریف کی بیماری کا بھانڈہ پھوڑ دیا، نواز شریف کو کوئی بیماری نہیں؟ عدالتوں کے ساتھ فراڈ کیا گیا۔
تفصیلات کے مطابق سینیٹر فیصل واوڈا نے سماجی رابطے کی ویب سائٹ ٹوئٹر پر مریم نواز کے بیان کے حوالے سے ردعمل دیتے ہوئے کہا کہ مریم نواز نے آج نواز شریف کی بیماری کا بھانڈہ پھوڑ دیا، مریم نواز نےکہا نواز کو کل بلا لوں؟ یعنی کوئی بیماری نہیں؟ عدالتوں کے ساتھ فراڈ کیا گیا، یہ عدالت کی توہین ہے۔
مریم نواز نے آج نواز شریف کی بیماری کا بھانڈہ پھوڑ دیا۔ کہا نواز کو کل بلا لوں؟یعنی کہ کوئی بیماری نہیں؟ عدالتوں کے ساتھ فراڈ کیا گیا۔ یہ contempt of courtہے۔سب ٹھیک ہونے کی شرط یہ ہے کہ جج اور فیصلےان کی مرضی کے ہو، چوری معاف ہو اوروزیراعظم کی کرسی پہ بٹھا دیں پھرسب ٹھیک ۔
— Senator Faisal Vawda (@FaisalVawdaPTI) June 23, 2021
فیصل واوڈا کا کہنا تھا کہ سب ٹھیک ہونے کی شرط یہ ہے کہ جج اورفیصلےان کی مرضی کے ہو، چوری معاف ہو اور وزیراعظم کی کرسی پربٹھا دیں پھرسب ٹھیک ہے۔
یاد رہے مسلم لیگ ن کی نائب صدر مریم نواز نے میڈیا سے گفتگو کرتے ہوئے کہا تھا کہ نواز شریف نے پاکستان کی ترقی کیلئے بڑے بڑے منصوبے بنائے، بجلی کے بڑے منصوبے لگائے اور موٹرویزکا جال بچھادیا۔
مریم نواز کا کہنا تھا کہ آنے والے الیکشن میں مسلم لیگ ن کونواز شریف لیڈ کریں گے، نوازشریف کو انصاف ملےگا تو شام کی فلائٹ سے واپس بلالیں گے۔