اسلام آباد:پاکستان میں کورونا ویکسین لگوانے کیلئے کل سے19 سال یا اس سے زائد عمر کے افراد کیلئے رجسٹریشن کھولنے کا فیصلہ کرلیا گیا ہے۔
وفاقی وزیراسد عمر نے بتایا کہ اب رجسٹریشن پوری قومی آبادی کے لئے کھلی رہے گی جسے ماہرین صحت نے کووڈ ویکسینیشن کے لئے منظور کیا ہے۔
In today’s NCOC meeting we decided to open up vaccination registration for all 19 years and above. This registration will start from tomorrow. So now registration will be open for the entire national population which is approved by health experts for covid vaccination
— Asad Umar (@Asad_Umar) May 26, 2021
ملک بھر میں ایڈلٹ ویکسینیشن مراکز قائم کیے جا چکے ہیں اور ویکسینیشن کا تمام تر عمل ڈیجیٹل میکنزم سے کنٹرول کیا جارہا ہے۔
ویکسینیشن کے لیے پنجاب میں 189 اور سندھ میں 14 مراکز قائم کیے گئے ہیں جبکہ خیبر پختونخوا میں 280، بلوچستان میں 44 اور اسلام آباد میں 14 ویکسینیشن سینٹر قائم کیے جا چکے ہیں۔ آزاد کشمیر میں 25 اور گلگت بلتستان میں بھی 16 مراکز کے ذریعے ویکسینیشن کی جا رہی ہے۔
کورونا کے سبب سب سے زیادہ اموات پنجاب میں ہوئی ہیں جہاں 9 ہزار875افراد جان کی بازی ہار چکے ہیں جبکہ سندھ میں 4 ہزار 942، خیبرپختونخوا 3 ہزار 990، اسلام آباد 748، گلگت بلتستان 107، بلوچستان میں 271 اور آزاد کشمیر میں 532 افراد جان کی بازی ہار چکے ہیں۔
اسلام آباد میں کورونا کیسز کی تعداد 80 ہزار662،خیبرپختونخوا ایک لاکھ 30 ہزار644، پنجاب 3 لاکھ 36 ہزار 315، سندھ 3 لاکھ 11ہزار766، بلوچستان 24 ہزار733، آزاد کشمیر 18 ہزار940 اور گلگت بلتستان میں 5 ہزار 516 افراد کورونا سے متاثر ہوچکے ہیں۔