اسلام آباد (این پی جی میڈیا) مسلم لیگ (ن) نے میڈیا ٹاک شوز میں حصہ لینے کیلئے رہنماؤں کی فہرست جاری کر دی ہے۔
تفصیلات کے مطابق پارٹی کی طرف سے جاری کی گئی نئی فہرست میں کئی سینئر رہنماؤں کے نام شامل نہیں کیے گئے جس کے بعد مزکورہ رہنما قیادت سے احتجاج ریکارڈ کروانے لگے ہیں۔
رپورٹ کے مطابق یہ فہرست پارٹی کے سینئر رہنما اسحاق ڈار نے لندن سے جاری کی ہے، جس میں لکھا گیا ہے کہ شاہد خاقان عباسی، مریم اورنگزیب، اعظم نذیر تارڑ، عظمیٰ بخاری، احسن اقبال، رانا ثناءاللہ ، حمزہ شہباز، مصدق ملک، عرفان صدیقی، خرم دستگیر اورطلال چوہدری میڈیا ٹاک شوز میں حصہ لے سکتے ہیں۔
دوسری جانب جاوید لطیف، محمد زبیر اور طارق فضل چوہدری کے نام فہرست میں شامل نہیں کیے گئے جس کے باعث ان رہنماؤں کو ٹی وی ٹاک شوز میں حصہ لینےکی اجازت نہیں ہے۔