اسلام آباد: (این پی جی میڈیا) وفاقی وزیر اطلاعات فواد چوہدری کی جانب سے رانا ثناء اللہ کے خلاف مقدمے کے اعلان کے بعد ن لیگ کے مرکزی رہنما بھی میدان میں آگئے۔
تفصیلات کے مطابق رانا ثناء اللہ کا کہنا ہے کہ فواد چوہدری دیر نہ کریں میرے خلاف مقدمہ درج کروائیں اور فواد چوہدری میرے خلاف مقدمے میں مدعی خود بنیں، انہوں نے کہا اپنے مؤقف پر قائم رہیں گے میں دھمکیوں سے پیچھے نہیں ہٹوں گا۔
رہنما مسلم لیگ ن نے کہا کہ سعد رضوی کے بیانات کا میرے بیانات اور عمران خان کے بیانات سے موازنہ کریں۔
یاد رہے کہ وفاقی وزیر اطلاعات و نشریات فواد چوہدری نے آج صبح رانا ثناء اللہ کے خلاف انسداد دہشتگردی قوانین کے تحت مقدمہ درج کروانے کا اعلان کیا تھا۔