نئی دہلی: (این پی جی میڈیا) بھارتی میڈیا کا کہنا ہے کہ بھارت نے ٹی 20 ورلڈ کپ کیلئے پاکستانی ٹیم اور صحافیوں کو ویزے دینے کی منظوری دیدی ہے۔
بھارتی کرکٹ بورڈ کی کونسل میٹنگ میں منظوری کی باضابطہ اطلاع دے دی گئی۔ بھارت میں ٹی20ورلڈ کپ کےلیے پاکستانی صحافیوں کو بھی ویزے دیئے جائیں گے۔بھارت نے پاکستانی شائقین کے لیے ویزے سے متعلق تاحال کوئی فیصلہ نہیں کیا۔
خیال رہے کہ آئی سی سی ٹی ٹوئنٹی ورلڈ کپ رواں سال اکتوبر میں بھارت میں شیڈول ہے ، پاکستان کرکٹ بورڈ کے چیئرمین احسان مانی نے ویزوں کے اجراء کے معاملے پر تحفظات کا اظہار کرتے ہوئے گزشتہ ماہ آئی سی سی کو خط لکھا تھا۔
خط میں کہا گیا تھاکہ اگر بھارتی کرکٹ بورڈ، پاکستانی ٹیم، میڈیا اور شائقین کیلئے ویزا کی آسانیاں پیدا نہیں کرتا اور تحریری یقین دہانی نہیں کرواتا تو ٹورنامنٹ متحدہ عرب امارت منتقل کردیا جائے۔