اسلام آباد:پاکستان ٹیلی کمیونیکیشن اتھارٹی (پی ٹی اے) نے ملک بھر میں سوشل میڈیا پلیٹ فارمز کو عارضی طور پر بند کر دیا گیا ہے۔
پی ٹی اے ذرائع کا کہنا ہے کہ ملک بھر میں یوٹیوب، واٹس ایپ، فیس بک، ٹوئٹر سمیت سوشل میڈیا کی تمام ویب سائٹس بند کر دی گئی ہیں۔
پی ٹی اے ذرائع کے مطابق سوشل میڈیا پلیٹ فارمز پر پابندی کا اطلاق 11 بجے سے 3 بجے تک ہو گا۔
دوسری جانب وزرات داخلہ نے ملک میں سوشل میڈیا بند ہونے کی تصدیق کی ہے اور کہا ہے کہ پاکستان میں سوشل میڈیا پر پابندی عائد کی گئی ہے۔
وزارت داخلہ کے مطابق پی ٹی اے نے وزارت داخلہ کی ہدایت پر سروسز کو بند کیا ہے۔
ادھر ملک بھر میں سوشل میڈیا پلیٹ فارمز بند کرنے کے اعلان کے ساتھ ہی فیس بک، واٹس ایپ، انسٹاگرام اور ٹوئٹر کی سروسز بند ہوگئی ہیں.
سوشل میڈیا پلیٹ فارمز کی بندش سے صارفین کی ان سائٹس تک رسائی ختم ہوچکی ہے جس کے باعث انہیں مسائل کا سامنا ہے۔