اسلام آباد: (این پی جی میڈیا) وزیراعظم عمران خان سے آرمی چیف جنرل قمر جاوید باجوہ نے ملاقات کی ہے۔
تفصیلات کے مطابق ملاقات میں سول و فوجی قیادت نے ملکی سیکیورٹی صورتحال سمیت اہم امور پر تبادلہ خیال کیا۔
آئی ایس پی آر کے مطابق ملاقات میں آئی ایس آئی کے سربراہ لیفٹیننٹ جنرل فیض حمید بھی شریک تھے، ملاقات کے دوران سیکیورٹی سے متعلق امور پر گفتگو کی گئی۔
اس کے علاوہ وزیراعظم کو ملکی سرحدی صورتحال اور ملک میں انٹیلیجنس معلومات کی بنیاد پر جاری مختلف آپریشن اور دہشت گردوں کے خلاف کارروائیوں کے بارے میں بھی تفصیل سے معلومات فراہم کی گئی۔
خیال رہے کہ دو ماہ قبل بھی وزیراعظم عمران خان سے آرمی چیف جنرل قمر جاوید باجوہ نے ملاقات کی تھی، ملاقات میں اہم امور پر تبادلہ خیال کیا گیا تھا۔