اسلام آباد:(این پی جی میڈیا) وفاقی وزیر برائے سائنس اینڈ ٹیکنالوجی فواد چوہدری کو وزیر اطلاعات کا اضافی قلمدان دے دیا گیا۔
تفصیلات کے مطابق فواد چوہدری کو وزیر اطلاعات کا اضافی قلمدان وزیراعظم عمران خان نے دیا۔ سینیٹر شبلی فراز کے سینیٹ سے ریٹائر ہونے کے بعد وزیر اطلاعات کی نشست خالی تھی۔
یاد رہے کہ فواد چوہدری وزیر اطلاعت تھے لیکن کابینہ میں اکھاڑ پچھاڑ دوران ان کا قلمدان تبدیل کرتے ہوئے انہیں وفاقی وزیر سائنس ٹیکنالوجی بنا دیا گیا تھا ، فوا د چوہدری اس پر کام کرتے رہے اور انہوں نے کئی اہم سنگ میل بھی عبور کیے اور ٹیکنالوجی کی دنیا میں کئی اہم ایجادات سامنے لائے تاہم اب ان کی کارکردگی کو دیکھتے ہوئے ایک مرتبہ پھر سے وزیر اطلاعات بنا دیا گیاہے ۔