اسلام آباد: رمضان المبارک کی آمد آمد ہے اور اس سلسلہ میں وفاقی وزیر برائے سائنس و ٹیکنالوجی فواد چودھری کے ٹوئٹ نے ایک دفعہ پر سوشل میڈیا صارفین کو کی توپوں کا رخ اپنی جانب کروالیا ہے۔
تفصیلات کے مطابق ہوا کچھ یوں کہ وفاقی وزیربرائے سائنس و ٹیکنالوجی فواد چوہدری کی پہلے روزے کی تاریخ سے متعلق زبان پھسل گئی۔
سماجی رابطے کی ویب سائٹ ٹوئٹر پر پیغام جاری کرتے ہوئے وفاقی وزیربرائے سائنس و ٹیکنالوجی فواد چوہدری نے کہا کہ رمضان کا چاند 13 اپریل کی شام میں لاہور، اسلام آباد، پشاورسمیت کئی دیگرشہروں میں واضع طورپردیکھا جاسکے گا اور14 رمضان کو پہلا روزہ ہوگا۔
فواد چوہدری نے کہا کہ خدا یہ رمضان سب کیلئے رحمت اوربرکت کا باعث کرے۔ آمین
بعد ازاں وفاقی وزیر کی جانب سے درست ٹوئٹ بھی کردی گئی تھی۔
رمضان کا چاند 13 اپریل کی شام کو لاہور،اسلام آباد،پشاور سمیت کئ دیگر شہروں میں واضع طور پر دیکھا جاسکے گا اور چودہ اپریل کو پہلا روزہ ہو گا۔ خدا یہ رمضان سب کیلئے رحمت اور برکت کا باعث کرے آمین https://t.co/d0DXRoRQaw
— Ch Fawad Hussain (@fawadchaudhry) April 3, 2021