اسلام آباد: امریکی صدر جوبائیڈن کی جانب سے پاکستان کو موسمیاتی تبدیلی کانفرنس میں نہ بلائے جانے پر آخر کار وزیراعظم عمران خان نے ردعمل دیتے ہوئے کہا ہے کہ پاکستان کو موسمیاتی تبدیلی کانفرنس میں نہ بلانے پر تنقید پر حیران ہوں۔
تفصیلات کے مطابق پاکستان کے وزیراعظم عمران خان نے سماجی رابطے کی ویب سائٹ ٹوئٹر پر اپنے پیغامات میں کہا کہ پاکستان کو موسمیاتی تبدیلی کانفرنس میں نہ بلایا جانا میرے لیے حیران کن ہے، میری حکومت کی پالیسیوں کا محور ماحولیاتی تبدیلیوں کے اثرات کو کم کرنا ہے، ہماری پالیسی ہماری آئندہ نسلوں کو صاف ستھرا اور سبز پاکستان کے عزم کے عین مطابق ہے۔
I am puzzled at the cacophony over Pak not being invited to a climate change conf! My govt’s environment policies are driven solely by our commitment to our future generations of a clean & green Pakistan to mitigate the impact of climate change.
— Imran Khan (@ImranKhanPTI) April 3, 2021
عمران خان نے کہا کہ ہمارے گرین پاکستان کے اقدامات میں 10 بلین ٹری سونامی ، فطرت پر مبنی حل ، اپنے دریاؤں کی صفائی وغیرہ شامل ہے، ہم نے 7 برسوں میں ماحولیاتی تحفظ کا وسیع تجربہ حاصل کیا ہے، ہم نے خیبرپختونخوا سے آغاز کیا اور ہماری پالیسیوں کو عالمی سطح پر تسلیم اور سراہا گیا۔
Hence our initiatives of Green Pak, 10 bn-tree tsunami, nature based solutions, cleaning up our rivers etc. We have gained vast experience in 7 yrs, beg with KP, & our policies are being recognised & lauded. We are ready to help any state wanting to learn from our experience.
— Imran Khan (@ImranKhanPTI) April 3, 2021
وزیراعظم کا کہنا تھا کہ ہمارے تجربے سے سبق حاصل کرنے کے خواہشمند کسی بھی ملک کی مدد کرنے کے لئے تیار ہیں، میں نے اقوام متحدہ کی ماحولیاتی تبدیلی کانفرنس 2021 اور سی او پی 26 کے لیے ترجیحات بتا دی ہیں، اگر عالمی برادری ماحولیاتی تبدیلی کے اثرات کم کرنے میں سنجیدہ ہے تو فائدہ اٹھائے۔
I have already laid out priorities for the UN Climate Change Conference 2021 – COP26 – if the international community is serious about countering impact of climate change.
— Imran Khan (@ImranKhanPTI) April 3, 2021