دوبئی:(این پی جی میڈیا)انٹرنیشنل کرکٹ کونسل(آئی سی سی ) نے کہاہے کہ بھارتی کرکٹ بورڈ(بی سی سی آئی)نے رواں سال ہونے والے ٹی ٹوئنٹی ورلڈ کپ کے ٹیکس اور ویزوں کے معاملات اپریل کے آخر تک حل کرنے کی مکمل یقین دہانی کرا دی ہے۔
آئی سی سی کا ورچوئل اجلاس آج اختتام پذیر ہوا جس کے بعد آئی سی سی کی جانب سے ایک اعلامیہ جاری کیا گیا جس میں یہ کہا گیا کہ ٹی20 کرکٹ ورلڈ کپ 2021 جو کہ بھارت میں شیڈول ہے اس کے حوالے سے بی سی سی آئی سے مثبت پیشرفت ہوئی ہے اور بھارتی کرکٹ بورڈ نے پاکستانی کھلاڑیوں، آفیشلز، شائقین اور رپورٹرز سے متعلق معاملات اپریل کے آخر تک حل کرنے کی توقع ظاہر کی ہے۔