اسلام آباد:حکومت نے 50 سے 59سال کے افراد کو کورونا ویکسین لگانے کا آغاز کرتے ہوئے تفصیلات جاری کردی ہیں۔
تفصیلات کے مطابق سماجی رابطے کی ویب سائٹ ٹوئٹر پر نیشنل انفارمیشن ٹیکنالوجی بورڈ کی جانب سے ٹوئٹ جاری کیا گیا جس میں بتایا گیا کہ ویکسین لگوانے کا طریقہ کار اور ایس او پیز حکومت پاکستان کی جانب سے بنائی گئی کووڈ کی ویب سائٹ ڔcovid.gov.pkپر جاری کردیا گیا ہے جس میں بتایا گیا ہے کہ کس طرح ویکسین کی رجسٹریشن کروائی جاسکتی ہے۔
ٹوئٹ میں ویکسین کی رجسٹریشن کے لئے طریقہ کار میں بتایا گیا کہ 30مارچ سے 50سے 59سال کے افراد کو کورونا کی ویکسین لگانے کا آغاز کردیا گیا ہے اور جو افراد ویکسین لگوانا چاہتے ہیں وہ اپنا شناختی کارڈ نمبر 1166پر بھیج کر اپنی رجسٹریشن کروا سکتے ہیں۔
Vaccination SOPs & criteria are displayed on the website https://t.co/d7nDVkehNZ. Registration of citizens (50-59) has been started from 30th March. Keep visiting @NationalITBoard‘s exclusively developed Health Advisory Platform. Register yourself by sending CNIC to 1166 pic.twitter.com/tfXYGt89jD
— National Information Technology Board (@NationalITBoard) April 1, 2021
ملک بھر میں کورونا وائرس کے باعث مزید98افراد جان کی بازی ہار گئے جبکہ4ہزار974نئے کیسز رپورٹ کئے گئے۔
نیشنل کمانڈ اینڈ کنٹرول سینٹر (این سی او سی) کی جانب سے جاری کردہ اعدادوشمار کے مطابق پاکستان میں اس وقت عالمی وبا کورونا وائرس کے باعث اموات کی مجموعی تعداد 14ہزار532تک پہنچ گئی ہے جبکہ اس وبا سے اس وقت متاثرہ افراد کی تعداد 6لاکھ72ہزار 931ہوگئی۔