لاہور:(این پی جی میڈیا) پاکستان مسلم لیگ ن کی نائب صدر مریم نواز نے اپنے ایک ٹوئٹ میں کہا کہ میرے بیمار ہونے کا مطلب یہ نہیں کہ ملک سے باہر بھاگ جاؤں گی۔
انہوں نے اپنے ٹوئٹ میں کہا کہ میں چند دن بیمار کیا ہوگئی کانپتی اور لرزتی حکومت نے یہ سمجھ لیا کہ میں ملک سے باہر چلی جاؤں گی۔ انہوں نے کہا کہ آپ کی امیدوں پر پانی پھیرتے ہوئے یہ بتاتی جاؤں کہ مریم کا آپ کو گھر بھیجنے تک کہیں جانے کا ارادہ نہیں، مریم ادھر بیٹھ کر آپ کا علاج جاری رکھی گی۔
چند دن بیمار کیا ہوئی، کانپتی لرزتی حکومت کو امید ہوگئی کہ شاید مریم علاج کروانے باہر جانے لگی ہے۔ آپ کی امیدوں پر پانی پھیرنے کے لئے بتا دوں کہ مریم کا آپ کو گھر بھیجنے تک کہیں جانے کا ارادہ نہیں۔ مریم ادھر بیٹھ کر آپ کا علاج جاری رکھے گی انشاءاللّہ۔
— Maryam Nawaz Sharif (@MaryamNSharif) March 31, 2021
خیال رہے کہ مریم نواز نے 3 روز سے اپنی تمام تر سیاسی اور خاندانی سرگرمیاں ختم کی ہوئیں ہیں اور وہ رائیونڈ میں آرام کر رہیں ہیں۔ یہ بھی یاد رہے کہ مسلم لیگ ن کی نائب صدر مریم نواز کو تھائی رائیڈ کا مرض بھی لاحق ہے اور ڈاکٹرز نے انہیں آپریشن کرانے کی تجویز بھی دی ہے۔
دوسری جانب نواز شریف کے ذاتی معالج ڈاکٹر عدنان مریم نواز کے چیک اپ کیلئے لندن سے لاہور پہنچ چکے ہیں جو نواز شریف کی ہدایت پر مریم نواز کا معالجہ کریں گے اور اس کی رپورٹ نواز شریف کیساتھ شئیر کریں گے۔