اسلام آباد:وفاقی کابینہ نے مردم شماری پر وزراء کمیٹی کی رپورٹ منظورکرتے ہوئے ، چھٹی مردم شماری کے حتمی نتائج جاری کرنے کا فیصلہ کرلیا۔
تفصیلات کے مطابق وزیراعظم عمران خان کی زیر صدارت وفاقی کابینہ کا اجلاس ہوا، اجلاس میں وزرا کی کمیٹی کی جانب سے مردم شماری پر بنائی گئی رپورٹ پیش کی گئی جسے رپورٹ منظورکرتے ہوئے کابینہ نے مردم شماری نتائج جاری کرنے کا معاملہ مشترکہ مفادات کونسل میں پیش کرنے کا فیصلہ کیا۔
A meeting of the Federal Cabinet is underway with Prime Minister @ImranKhanPTI in chair. pic.twitter.com/MN6EfkcSlW
— Prime Minister’s Office, Pakistan (@PakPMO) December 22, 2020
وفاقی کابینہ اجلاس کے دوران درآمدات اور برآمدات کی صورت حال پر بھی بریفنگ دی گئی ، وفاقی کابینہ نے موبائل مینوفیکچرنگ پالیسی کی بھی منظوری دے دی، وفاقی کابینہ نے الیکٹرک وہیکل پالیسی کی منظوری دے دی۔
کابینہ اجلاس میں مارگلہ روڈ اسلام آباد پر تجاوزات سے متعلق کابینہ کے فیصلے پر عملدرآمد رپورٹ پیش کی گئی جبکہ وفاقی کابینہ کو اقتصادی امور ڈویژن کی غیر ملکی فنڈز کے استعمال پر بریفنگ بھی دی گئی ۔ اس کے علاوہ اجلاس میں نیپرا کی سال 19-2020 اوراسٹیٹ انڈسٹری رپورٹ 2020 پیش کی گئی ۔
وزیراعظم عمران خان کی زیر صدارت وفاقی کابینہ کا اجلاس pic.twitter.com/4NSjwT9PH8
— PTV News (@PTVNewsOfficial) December 22, 2020
اجلاس میں وفاقی کابینہ نے ٹربائن فیول ایوی ایشن ہائی فلیش کی درآمد کی منظوری دی،سرمایہ کاری بورڈ کی تشکیل نو کی منظوری دی گئی ، جبکہ زرعی ترقیاتی بینک کے بورڈ کی تشکیل نو کی منظوری چھی دےدی گئی ہے ۔ کابینہ نے نیشنل انسٹیٹیوٹ آف بحری سائنس کے ڈی جی کی تقرری کی منظوری دے دی.
اس کے علاوہ ایس ٹی ای ڈی ای سی کے ایم ڈی کی تقرری ، سی ڈی اے آرڈیننس 1980 میں ترمیم اور یوٹیلٹی اسٹور کارپوریشن کے ملازمین پر لازمی سروسز ایکٹ کی توسیع کی منظوری گئی ۔