اسلام آباد:(این پی جی میڈیا) وفاقی قزیر مذہبی امور نور الحق قادری کا کہنا ہے کہ رمضان میں مساجد پچھلے سال کی طرح ایس او پیز کیساتھ کھلی رہیں گی۔
تفصیلات کے مطابق فیصل مسجد میں قومی مقابلہ حفاظ میں شرکت کے دوران نور الحق قادری نے کہا کہ پچھلے سے ایس او پیز اگر سب سے زیادہ عمل درآمد کیا گیا ہے تو وہ مساجد ہیں اور اس سال بھی ہم ایس او پیز کی خلاف ورزی ہوئے بغیر مساجد کو رمضان المبارک میں کھلی رکھیں گے۔
انہوں نے مزید کہا کہ حکومت پاکستان حج کی تیاریوں میں مصروف ہے جیسے ہی سعودی حکومت کی جانب سے مثبت جواب آتا ہے تو پھر پاکستانی فریضہ حج ادا کرنے جا سکتے ہیں۔
وفاقی وزیر مذہبی امور نے مزید کہا کہ پاکستان کو عمران خان کی قیادت میں ریاست مدینہ بنانے کے مشن پر ہیں اور ایک دن اس مشن میں ضرور کامیابی ملے گی۔