اسلام آباد:حادثات سے بچنے کے لیے نیشنل ہائی ویز اور موٹروے کی جانب سے ڈرائیور کو نیند سے جگائے رکھنے کے لیے ڈیوائس پیش کردی گئی ہے جو ڈرائیور کو گاڑی چلاتے وقت آنکھ لگنے سے روک سکتی ہے۔
ڈرائیور اس ڈیوائس کو ڈرائیونگ کے دوران اپنے کان پر لگائیں گے، جس میں سینسر موجود ہیں۔ یہ ڈیوائس ایک الارم کا کام کرے گا جو کہ ڈرائیور کی آنکھ لگنے پر بجے گا۔
#NHMP #RoadSafety pic.twitter.com/A8fNAnS7HA
— National Highways & Motorway Police (NHMP) (@NHMPofficial) December 19, 2020
موٹر وے پولیس کا دعوی ہے کہ ڈیوائس کی آواز بالکل ایک عام الارم کی طرح اونچی ہے جس کے تحت نیند آتے ہی ڈرائیور فوراً جاگ جائے گا۔
موٹروے پولیس کے مطابق اس ڈیوائس کو بہت جلد عام عوام کے لیے پیش کیا جائے گا۔ جس کی قیمت 750 روپے ہے۔
An bad accident at Multan motorway.
Transport companies are strongly advised to ask drivers to drive carefully in foggy weather. pic.twitter.com/SFq3SbamMN— Khan (@Khan96636139) December 15, 2020
موٹروے پولیس کا کہنا ہے کہ موٹروے پر بڑھتے ہوئے حادثات کی سب سے بڑی وجہ ڈرائیور کا بے وقت آنکھ لگ جانا ہے۔ اس ڈیوائس کے استعمال کے بعد ان حادثات میں واضح کمی دکھائی دے گی۔