کراچی: پاکستان پیپلز پارٹی کی رہنما شازیہ مری نے کہا کہ ہمیں افسوس ہوتا ہے جب پیپلزپارٹی کیلئے سلیکٹڈ کا لفظ استعمال ہوتا ہے ۔
میڈیا سے گفتگو کرتے ہوئے شازیہ مری نے کہا کہ کل مریم نواز کا لہجہ قابل افسوس تھا ، جسے آپ نے لیڈر آف اپوزیشن نامزد کیا اس سے ہماری رنجشیں ہیں ، ہر طعنے کا بھر پور جواب دینا جانتے ہیں ۔ انہوں نے کہا کہ مسلم لیگ ن کی صفوں میں ایسے لوگ ہیں جو موقع کی نزاکت کو سمجھتے ہیں ۔
رہنما پیپلز پارٹی نے کہا کہ کل پریس کانفرنس میں بلاول بھٹو کا لہجہ سیاسی تھا ، ہم پارلیمان کے اندر اور باہر جمہوری روایات کو جاری رکھیں گے ۔ عوام منہگائی اور وبا پر حکومت کی غیرسنجیدگی کو بھگت رہے ہیں ۔
شیری رحمان نے کہا کہ ن لیگ کو کو اتنا چھوٹا عہدہ لگ رہا تھا تو ہم سے مشاورت کیوں نہیں کی گئی ، ہم نے کہا تھا کہ ہم استعفوں کی سیاست پر یقین نہیں رکھتے ۔
تحریک انصاف کی حکومت پر تنقید کرتے ہوئے انہوں نے کہا کہ ندیم بابر نے گردشی قرضہ تین سے چار ٹریلین تک پہنچا دیا ، ٹرانسپرنسی کا پاکستان میں جنازہ نکالا جا رہا ہے ، آئی ایم ایف وہ مانگتی ہے جس سے شفافیت ہو ، ہم نے آئی ایم ایف پروگرام بھگتائے ہیں ۔