دورہ جنوبی افریقہ، قومی کھلاڑیوں کے کورونا ٹیسٹ منفی آگئے

جوہانسبرگ: جنوبی افریقہ میں پاکستان اسکواڈ میں شامل تمام کھلاڑیوں اور آفیشلز کے کورونا ٹیسٹ کلیئر آگئے ۔

گزشتہ روز جوہانسبرگ پہنچنے پر 34 ارکان کے ٹیسٹ ہوئے تھے جو منفی آئے ہیں ۔ ان 34 ارکان میں 21 کھلاڑی اور 13 ٹیم آفیشلز شامل ہیں ۔

قومی اسکواڈ آج سے سپر اسپورٹس پارک سینچورین میں اپنی ٹریننگ کا آغاز کر دے گا ۔ جنوبی افریقہ کے دورے پر قومی ٹیم 3 ون ڈے اور 4 ٹی ٹوئنٹی پر مشتمل سیریز کھیلے گی ۔

گزشتہ روز قومی کرکٹ ٹیم لاہور سے چارٹرڈ فلائٹ کے ذریعے ساؤتھ افریقہ پہنچی ۔

پاکستان کرکٹ ٹیم دورہ جنوبی افریقہ کے دوران تین ون ڈے میچ اور چار ٹی ٹوئنٹی میچز کھیلے گی ، دونوں ٹیموں کے مابین ون ڈے سیریز 2 اپریل سے شروع ہوگی ، قومی اسکواڈ جنوبی افریقہ سے 17 اپریل کو 3 ٹی 20 انٹرنیشنل میچز اور 2 ٹیسٹ میچز کھیلنے زمبابوے روانہ ہو گا ۔