لاہور: وزیراعلیٰ عثمان بزدار نے کہا کہ عالمی وبا کی تیسری لہر خطرناک ہے اس لیے ایس او پیز پر عملدرآمد میں کوتاہی برداشت نہیں کی جائے گی ۔
صوبے میں وبا کی تیسری لہر کے پیش نظر وزیر اعلی پنجاب سردار عثمان بزدار کا ملتان سے ویڈیو لنک کے ذریعے اہم اجلاس ، پنجاب میں وبا سے پیدا ہونے والی صورتحال اور حفاظتی اقدامات پر عملدرآمد کا جائزہ لیا ۔
عثمان بزدار نے وبا کے بڑھتے ہوئے کیسز پر گہری تشویش کا اظہار کیا ، کہا عوام کے تعاون سے ہی اس پر قابو پایا جا سکے گا ، شہری باہر نکلتے وقت ماسک لازمی پہنیں ۔ انہوں نے کہا کہ انتظامیہ عوام کی زندگیوں کے تحفظ کے لئے ایس او پیز پر عملدرآمد یقینی بنائیں ۔
وزیر اعلی عثمان بزدار کو چیف سیکرٹری نے پنجاب میں وبا کی صورتحال اور حفاظتی اقدامات پر بریفنگ دی ۔
چیف سیکرٹری ، ایڈیشنل چیف سیکرٹری داخلہ ، سیکرٹری سپیشلائزڈ ہیلتھ کیئر ومیڈیکل ایجوکیشن ، سیکرٹری پرائمری و سکینڈری ہیلتھ ، کمشنر لاہور ڈویژن اور متعلقہ حکام نے اجلاس میں ویڈیولنک کے ذریعے شرکت کی ۔
وزیر اعلی عثمان بزدار ویڈیولنک کے ذریعے این سی او سی کے اجلاس میں بھی شریک ہوں گے ۔