اسلام آباد: وفاقی دارالحکومت میں یوم پاکستان کے حوالے سے فوجی پریڈ میں پاکستان کے بہترین دوست ملک ترکی کے طیارے اور ترک فوجی بینڈ ’جاں نثاری‘ نے بھی شمولیت اختیار کی۔
تفصیلات کے مطابق یوم پاکستان پریڈ میں سول، فوجی قیادت اور غیر ملکی شخصیات سمیت خصوصا ترک بینڈ نے بھی شرکت کی اور زبردست دھنیں بجا کر شرکاء کے دل جیت لیے۔
یوم پاکستان کی مناسبت سے ہونے والی پریڈ میں ترک بینڈ نے سلامی کے چبوترے کے سامنے دھن بجا کر ’ ارتغرل غازی ‘ کو خراج عقیدت بھی پیش کیا جبکہ اس کے علاوہ سلطنت عثمانیہ کی راویتی دھن بھی بجائی گئی اور شرکا کے لہو کو گرما دیا گیا۔
Tribute To #ErtuğrulGazi ..?#PakistanDayParade
????#SOLOTURK pic.twitter.com/AnoqPLJmjj— Ayêshà..✨ (@AyeshaR45739064) March 25, 2021
واضح رہے کہ ترک بینڈ جان نثاری ترک مسلح افواج کا لازمی جزو ہے جس کی بنیاد 1299 میں رکھی گئی۔
اس کے علاوہ یوم پاکستان کے موقع پر ترک طیارے نے فلائی پاسٹ کا مظاہرہ کیا اور صدر مملکت عارف علوی کو سلامی پیش کی جس کا منظر سب کو حیرت میں مبتلا کرگیا چونکہ ترک طیارے میں موجود پائلٹ نے اردو زبان میں پاکستانیوں کو یوم پاکستان کی مبارک باد بھی دی۔