اسلام آباد: سول ایسوسی ایشن کی جانب سے اندرون ملک کھانے کے بعد دی جانے والی پانی کی سروس پر پابندی عائد کردی گئی ہے۔
تفصیلات کے مطابق کورونا وائرس کی تیسری لہر کے پیش نظر سول ایوی ایشن نے اہم اور سخت فیصلے کیے گئے جن کے مطابق اندرون ملک پروازوں میں کھانے کے بعد پانی کی سروس نہیں دی جائے گی۔
رپورٹ کے مطابق سول ایوی ایشن کی جانب سے نئے احکامات جاری کیے گئے ہیں جس پر ڈائریکٹر ایئرٹرانسپورٹ نے نوٹیفکیشن جاری کیا ہے۔ نوٹیفیکیشن میں ہدایت کی گئی ہے کہ پروازوں میں مسافروں کو پانی کی سروس پر مکمل پابندی ہوگی۔
واضح رہے کہ سی اے اے نے متعلقہ افسران کو ہدایت کی ہے کہ مسافروں کیلئے سیٹوں پرہی پانی کی بوتلیں رکھی جائیں۔ اس کے علاوہ مسافروں کے جہاز میں سوار ہونے سے قبل ہی سیٹوں پر پانی کی فراہمی کو یقینی بنایا جائے۔