جدہ(این پی جی میڈیا)یو اے ای نے پاکستان ڈے کی مناسبت سے برج الخلیفہ کو پاکستانی پرچم کے رنگ میں رنگ دیا۔ پاکستانی کمیونٹی اور پاکستان کیساتھ محبت کے اظہار کیلئے یو اے ای حکام نے دنیا کی بلند ترین عمارت کو پاکستانی پرچم کی رنگ میں ڈھال دیا۔
Burj Al Khalifa lit up in Pakistan colours on the occasion of Pakistan Day on 23rd March, 2021. pic.twitter.com/1XwBksDyRG
— Government of Pakistan (@GovtofPakistan) March 23, 2021
سعودی عرب کے شہر جدہ میں قونصلیٹ آف پاکستان میں یوم پاکستان کے موقع پر پروقار تقریب کا اہتمام کیا گیا۔ تقریب میں قونصل جنرل خالد مجید اور او آئی سی میں پاکستان کے مستقل مندوب رضوان سعید شیخ نے پرچم کشائی کی۔
تقریب کے آغاز پر صدر پاکستان اور وزیراعظم کے پیغامات پڑھ کر سنائے گے۔ رضوان شیخ سعید اور قونصل جنرل خالد مجید نے پاکستانی کمیونٹی کو یوم پاکستان کی مبارکباد پیش کی۔تقریب سے خطاب کرتے ہوئے۔
اِن کا کہنا تھا کہ پاکستان خطے میں غیر معمولی اہمیت کا حامل ملک ہے اور حکومتِ پاکستان وطن عزیز کو درپیش چیلنجز سے پوری طرح باخبر ہے۔تقریب کے شرکا نے تحریکِ پاکستان کے دوران جانوں کا نذرانہ پیش کرنے والے ہیروز کو خراج تحسین بھی پیش کیا۔