لاہور: پاکستان مسلم لیگ ن کے رہنما احسن اقبال نے کہا کہ ہم آصف زرداری اور بلاول بھٹو کے بیانات کا جواب نہیں دیں گے ، ہمارا ہدف عمران خان ہے ، بلاول اور آصف زرداری کی تقریر پر تبصرہ نہیں کرنا چاہتے ۔
میڈٰیا سے گفتگو کرتے ہوئے احسن اقبال نے کہا کہ ووٹ کی بے توقیری سے مشرقی پاکستان الگ ہوا ، پاکستان کو اس وقت مشکلات ووٹ کو عزت نہ دینے کی وجہ سے ہیں ۔ انہوں نے کہا کہ ملک میں روز بجلی ، گیس مہنگی کی جا رہی ہے جس سے عوام پریشان ہیں ۔
انہوں نے کہا کہ عوام خوشحال تب ہوگی جب ووٹ کو عزت دی جائے گی ۔ بنگلا دیش میں ووٹ کی طاقت کو تسلیم کیا گیا ہم سے آگے نکل گیا ، 2018 کے الیکشن میں لوگوں نے ووٹ مسلم لیگ ن کو ڈالا مگر ووٹ پر ڈاکا ڈالا گیا ۔
لیگی رہنما نے عمران خان سے سوال کیا کہ بتائیں پنجاب کے وزیراعلیٰ کو کس میرٹ پر رکھا ہے ، انہوں نے مزید کہا کہ کشمیر سے متعلق حکومت بھارت سے غیر مشروط مذاکرات کرنے کو تیار ہے ۔